|
|
|
|
 |
|
 |
|
|
|
|
| 21.06.2013 |
|
| Bakı, 11 iyun (AzərTAc). Qarşılıqlı faydalı Azərbaycan-Belarus tərəfdaşlığı keyfiyyətcə yeni səviyyəyə çatmışdır.
Milli Məclisin İqtisadi siyasət komissiyasının sədri Ziyad Səmədzadə bu sözləri Azərbaycan ilə Belarus arasında diplomatik münasibətlər yaradılmasının 20 illiyinə həsr edilmiş forumda AzərTAc-a verdiyi müsahibədə söyləmişdir.
Z.Səmədzadə Belarus-Azərbaycan hökumətlərarası komissiyasının fəal işləməsini qeyd edərək demişdir ki, bizdə siyasi müstəvidə hər hansı fikir ayrılıqları və həll edilməmiş məsələlər yoxdur, ticari-iqtisadi əməkdaşlıq fəal inkişaf edir. 2013-cü ildə ölkələrimiz arasında əmtəə dövriyyəsinin həcmi 10,3 faiz artmışdır. Azərbaycan şirkətləri Belarus müəssisələrinin daimi dilerləridir. 2012-ci ildə Azərbaycan Belarus iqtisadiyyatına təxminən 14 milyon dollar sərmayə qoymuşdur.
Z.Səmədzadə demişdir: “Bu gün Azərbaycan biznesmenlərinin Belarusa marağının artmasını söyləyə bilərik. Biz investisiya layihələrinin reallaşdırılması sahəsində qarşılıqlı faydalı əməkdaşlığa hazırıq”. |
|
|
|
|
 |
|
 |
|
|
|
