İyunun 8-də Bakıda Azərbaycan Qiymətləndiricilər Cəmiyyəti (AQC) və Beynəlxalq Maliyyə Korporasiyası (İFC) “Qiymətləndirmə fəaliyyətinin tənzimlənməsi. Müasir beynəlxalq təcrübə” mövzusunda beynəlxalq konfrans keçirmişlər.
Milli Məclisin iqtisadi siyasət komitəsinin sədri akademik Ziyad Səmədzadə “Azərbaycanda qiymətləndirmə fəaliyyətinin qanunvericilik təminatı” mövzusunda çıxış etmişdir.
Konfransda qiymətləndirmə fəaliyyətinin iqtisadiyyatdakı rolu, qiymətləndiricilərin özünütənzimləyən təşkilatının əhəmiyyəti, qiymətləndirici təşkilatların beynəlxalq assosiasiyaları və digər məsələlər müzakirə olunmuşdur.
MDB və Avropa ölkələrinin nümayəndələri bu sahədə öz təcrübələrini bölüşmüşlər.
Yeni işgüzar əlaqələrin qurulmasının perspektivləri barədə fikir mübadiləsi aparılmışdır. |
